Татарстан Республикасы Питрәч муниципаль районында язгы кыр эшләрен үткәрүгә әзерлек конкурсы
Питрәч муниципаль районында агросәнәгать комплексы оешмалары арасында 2023 елда булачак язгы кыр эшләрен үткәрүгә әзерлек буенча игълан ителгән республика конкурсы кысаларында хуҗалыкларның әзерлеге конкурсы узды. «ЦАС Татарский» ФДБУ директоры А.А.Локманов, ТР Авыл хуҗалыгы министрлыгының механизация бүлегенең әйдәп баручы белгече Р.Р. Идрисов, Питрәч районы авыл хуҗалыгы идарәсе башлыгы И.Р.Хафизов, район авыл хуҗалыгы идарәсе белгечләре, ТР Питрәч районы буенча дәүләт техник күзәтчелек бүлеге башлыгы В.В.Максимов катнашындагы комиссия районның 7 хуҗалыгын тикшерде. Хуҗалыкларны әйләнеп чыгу вакытында техник әзерлек, техник тикшерү үткәрү, янгын сүндергечләрнең һәм янгынга каршы куркынычсызлык чараларының булуы, куркынычсызлык техникасы таләпләренең үтәлеше, орлык материалы һәм ашламаларның булуы тикшерелде. Әзерлек нәтиҗәләре буенча «Ак барс Питрәч» ҖЧҖ, «Шәле-Агро» ҖЧҖ, «Агролак-К» ҖЧҖ лидерлар итеп билгеләнде. Әзерлекнең уртача бәясе 46 балл тәшкил итә.
Валерий Максимов – ТР Дәүләт техник күзәтчелек идарәсенең Питрәч муниципаль районы бүлегенең баш дәүләт инженер-инспекторы.
