2023 елгы язгы кыр эшләрен уздыруга әзерлек буенча агросәнәгать оешмалары арасында конкурс
Бөгелмә районында 2023 елның язгы кыр эшләренә техника әзерләү буенча семинар узды. Семинар Татарстан Республикасы Авыл хуҗалыгы һәм азык-төлек министрлыгының игенчелек бүлеге башлыгы И.А.Садыйков җитәкчелегендә, КДАУ агробизнеста машиналар һәм җайланмалар кафедрасының механизация буенча хезмәте мөдире Д.Т.Хәлиуллин, Бөгелмә районы авыл хуҗалыгы һәм азык-төлек идарәсе җитәкчесе И.К.Исмәгыйлев катнашында булды. Семинарда игенчелек, орлыкларның сыйфаты, минераль ашламалар туплау мәсьәләләре каралды. Дәүләт техник күзәтчелек идарәсенең дәүләт инженер-инспекторы С.А. Попов тракторларга һәм үзйөрешле машиналарга техник караулар үткәрү барышы турында хәбәр итте. Трактор паркын куркынычсыз эксплуатацияләү өчен аерым игътибар бирергә кирәк булган моментлар билгеләнде: янгын куркынычсызлыгы һәм хезмәтне саклау таләпләрен үтәү мәсьәләләре турында фикер алышынды.
Сергей Попов – ТР Дәүләт техник күзәтчелек идарәсенең Бөгелмә шәһәре һәм Бөгелмә муниципаль районы бүлегенең баш дәүләт инженер-инспекторы.