Татарстан Республикасы Питрәч муниципаль районының «Ак Барс Питрәч» ҖЧҖдә техник карау уздырылды
Үзйөрешле машиналарга, юл-төзелеш, башка техникага, тракторларга һәм тагылмаларга техник тикшерү уздыруның расланган графигына ярашлы рәвештә, Питрәч муниципаль районында агросәнәгать оешмалары өлкәсендә техник тикшерү үткәрелә.
Дәүләт техник күзәтчелек бүлеге алдына куелган бурыч: билгеләнгән вакытта ел саен үткәрелә торган техник тикшерүне уздыру. Техник карауның иң мөһим максаты – үзйөрешле машиналарның милекчеләре һәм комбайнчылар тарафыннан ашлык җыю комбайннарын куркынычсыз эшләтү, кешеләрнең тормышын һәм сәламәтлеген, әйләнә-тирә мохитне саклауга ирешү. Моның өчен һәм берәмлек эшкә сыйфатлы әзерләнгән, ә әлеге техниканың эксплуатациясе махсус укытылган персоналга тапшырылган булырга тиеш. Әлеге чара «Ак Барс Питрәч» ҖЧҖ карата үткәрелде. Әзерлек линиясенә агрофирманың өч бүлегендә 84 берәмлек трактор, юл-төзелеш машиналары, үзйөрешле сиптергечләр һәм трактор тагылмалары тәкъдим ителде.
Техник карау барышында ашлык җыю комбайннарының техник торышы, тормозларның, руль идарәсенең, ут приборларының, тавыш сигналының төзеклеге; медицина аптечкасы, ут чагылдыручы жилетлар, ут сүндергеч булуы; теркәү документлары; тиешле категорияле тракторчы-машинист таныклыклары тикшерелде. Техник тикшерү нәтиҗәләре буенча ачыкланган бозулар буенча техник тикшерү актлары төзелде һәм инженер персоналына күрсәтмә бирелде. Техник тикшерү үткәрү таләпләренә туры килгән техникага техник карау узу турында таныклык бирелде.
Валерий Максимов – ТР Дәүләт техник күзәтчелек идарәсенең Питрәч муниципаль районы бүлегенең баш дәүләт инженер-инспекторы.