«Борнак» ҖЧҖ базасында техник тикшерү уздырылды
Агымдагы елның 17 мартында Балтач муниципаль районында «Борнак» ҖЧҖ базасында күрсәткеч техник карау уздырылды. Техник тикшерүгә бүлек башлыклары – күрше районнарның баш дәүләт инженер-инспекторлары чакырылган иде. Шулай ук Балтач муниципаль районы хуҗалыклары һәм оешмаларының АСК баш инженерлары чакырылган иде. Көн тәртибендә көнүзәк мәсьәләләр, техниканың әзерлеге, язгы чәчү кампаниясен кыска вакыт эчендә яхшы сыйфат белән һәм хезмәтне саклап үткәрү бурычлары, тармакта бәхетсезлек очракларының сәбәпләре булган хокук бозулар һәм хезмәт законнарындагы үзгәрешләр каралды. Киңәшмәдә Татарстан Республикасы Дәүләт техник күзәтчелек идарәсе башлыгы урынбасары – Татарстан Республикасы Дәүләт техник күзәтчелек идарәсенең баш инженер-инспекторы урынбасары Халиков Мөнир Әфраим улы доклад белән чыгыш ясады, анда дәүләт техник күзәтчелеге инспекторларының көндәлек эш мәсьәләләре һәм проблемалары каралды. Шулай ук киңәшмәдә язгы кыр эшләрен башкарганда хезмәтне саклау мәсьәләләре дә тикшерелде. Барлык катнашучыларның аерым игътибары кыр эшләре вакытында үзйөрешле техниканы куркынычсыз эксплуатацияләүгә юнәлтелде. Техник тикшерү контроль-диагностик приборлар кулланып үткәрелде.
Техник карау барышында Балтач муниципаль районы буенча дәүләт техник күзәтчелек бүлеге җитәкчесе М.Р.Габдрахманов тарафыннан техник карау уздыргандагы кагыйдәләр һәм таләпләр турында аңлатмалар бирелде, контроль-диагностика җиһазлары белән эшләү тәртибе күрсәтелде. Гомумән алганда, чарада катнашучылар техник карауның яхшы әзерләнгәнлеге һәм оештырганлыгы турында билгеләп үттеләр. Семинарга йомгак ясап, паркның, чәчү һәм туфрак эшкәртү машиналарының һәм тракторларның әзерлегенә язгы кыр эшләренең күп өлеше бәйле, ә язгы кыр эшләренең уңышлы башкарылуына бөтен авыл хуҗалыгы елы нәтиҗәләре бәйле, дип билгеләп үттеләр. Хезмәтне саклау кагыйдәләрен, барлык хезмәткәрләрнең җитештерү дисциплинасын үтәүгә аерым игътибар бирүне сорадылар.