Кайбыч муниципаль районында техниканы кышкы саклауга кую конкурсы
2021 елның 18 ноябрендә Кайбыч муниципаль районында техниканы кышкы саклауга кую һәм машина-трактор паркын ремонтлауга әзерләү буенча агросәнәгать комплексы оешмалары арасында конкурс узды. Авыл хуҗалыгы һәм азык-төлек министры урынбасары И.Х.Габдрахманов, Авыл хуҗалыгы министрлыгының АСК инженер-техник тәэмин итү бүлегенең әйдәп баручы киңәшчесе И.Р. Сафин, авыл хуҗалыгы идарәсе башлыгы Р.М. Камалетдинов, механизация буенча консультант Р.С. Тимургалиев, дәүләт техник күзәтчелек бүлеге җитәкчесе М.Н. Серебряков техниканы кышкы саклауга кую торышын, машина-трактор парклары территорияләрендәге тәртипне, авыл хуҗалыгы техникасын ремонтлауга оешмаларның әзерлеген тикшерде.
Авыл хуҗалыгы предприятиеләре өчен җаваплы көзге кампания дә бик мөһим, ул техниканы озак вакытка кышкы саклауга куюга бәйле. Авыл хуҗалыгы техникасының барлык төрләре диярлек сезонлы эшләр тәмамланганнан соң дөрес сакланырга тиеш.
Конкурс нәтиҗәләре буенча комиссия авыл хуҗалыгы формированиеләренең әзерлек дәрәҗәсен район буенча уртача 70 баллы система буенча 62,6 баллга бәяләде.
Конкурс йомгаклары буенча беренче урынны Хәсәнов А.А. КФХ алды, гомуми баллы – 64, икенче урында – «Родина» агрофирмасы ҖЧҖ һәм «Туган Як-Агро» агрофирмасы ҖЧҖ, гомуми балл – 63 һәм өченче урында Садриев С.Х. КФХ (62 балл).
М.Н.Серебряков – Дәүләт техник күзәтчелек идарәсенең Кайбыч муниципаль районы бүлеге җитәкчесе.