Чүпрәле районының «Цеолиты Поволжья» ААҖ техника тикшерелде
2021 елның 18 ноябрендә «Цеолиты Поволжья» ААҖ Татарстан Республикасы Дәүләт техник күзәтчелек идарәсенең Чүпрәле муниципаль районы бүлеге тарафыннан үзйөрешле машиналарга техник тикшерү уздырылды.
«Цеолиты Поволжья» ААҖ Түбән Чәке авыл җирлеге территориясендә урнашкан, анда цеолит чыгару карьеры урнашкан, шулай ук оешма территориясендә чыгарылган цеолит токымнарын эшкәртү заводы да бар. Район үзәгендә әлеге оешманың филиалы урнашкан, анда әзер материалны төргәклиләр. Техник тикшерүгә карьер территориясендә 4 үзйөрешле махсус техника һәм филиалдагы ике берәмлек үзйөрешле техника тәкъдим ителде. Механизаторларның барысы да тиешле рөхсәт категориясендәге таныклыкларга ия, шулай ук аларга махсус техникада эшләргә рөхсәт ителә.
Техника янгын сүндерү җайланмалары, медицина аптечкасы, авария билгеләре, хәрәкәтне туктатып тору терәкләре белән комплектланган. Аеруча төзеклеккә игътибар ителде: яктылык приборлары, кызгылт сары төстәге яктылык маяклары, артка таба хәрәкәт иткәндә тавыш сигналлары, руль идарәсе, төп һәм төнге тормоз системасы, пыяла чистарту җайланмасы, төягечләрнең транспортны тотып тору терәкләренең төзеклеге каралды. 5 берәмлек техника тикшерү узды, техник тикшерү буенча 1 акт рәсмиләштерелде.
Илдар Шәйхатдаров – Дәүләт техник күзәтчелек идарәсенең Чүпрәле муниципаль районы буенча баш дәүләт инженер-инспекторы.