Алтын көз-2021
2021 елның 5 октябрендә Россиядә агросәнәгать өлкәсендә иң зур вакыйга – Россия Федерациясе Авыл хуҗалыгы министрлыгы тарафыннан оештырылган агросәнәгать комплексы атналыгы башланды. Чарада Татарстан Республикасы да катнаша. Республика исеменнән Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Җәббаров җитәкчелегендәге делегация катнашачак.
Чарада 23 нче «Алтын көз – 2021» Россия агросәнәгать күргәзмәсе – илдә авыл хуҗалыгы казанышларының иң зур смотры узачак. Быелгы чара яңа мәйданчыкта – «Патриот» паркында (Мәскәү өлкәсе) турыдан-туры форматта узачак. Күргәзмәдә Россиянең төрле төбәкләреннән 100 артык экспонент катнашачак.
Моннан тыш, базарда катнашучылар һәм экспертлар АСК һәм авыл хуҗалыгы фәнен цифрлаштыру өлкәсендәге алдынгы эшләнмәләр, шулай ук органик атлас – илебездә органика җитештерүчеләр реестры белән таныша алачак.
Күргәзмәнең зур эш программасы кысаларында белгечләр тармакны фәнни һәм кадрлар белән тәэмин итү, АСК өлкәсенә дәүләт ярдәме, органик продукция җитештерүне үстерү, цифрлы трансформация һәм башка күп кенә темалар буенча фикер алышачак. Федерация Советы һәм Россия Федерациясе Авыл хуҗалыгы министрлыгының «АСК өлкәсендә хатын-кызлар» уртак проектына аерым игътибар биреләчәк, аның максаты – авыл хуҗалыгы тармагында хатын-кызлар эшчәнлегенә багышланган мәсьәләләр буенча ачык диалог төзүгә ярдәм итү.
Шулай ук «Патриот» паркында Икенче халыкара агросәнәгать форумы да узачак. Аның төп чарасы «Авыл хуҗалыгы һәм ESG-трансформация: чакырулар һәм мөмкинлекләр» дигән бизнес-бранч булачак, аны Авыл хуҗалыгы министрлыгы белән Сбербанк оештыра.
Шул ук мәйданчыкта 7 октябрьдән «Алтын көз-2021» илкүләм гастрономия фестивале дә эшли башлаячак. Ул бөтен илдән, шул исәптән төбәкнең «Вкусы России» азык-төлек продуктлары брендлары конкурсында катнашучылардан иң яхшы фермер продукциясен тәкъдим итәчәк. Чарага килүчеләр төбәкләрнең горурлыгы булган табигый продуктларны татып карап кына калмыйча, аларның җитештерү турында күбрәк белә, фермерлар белән таныша һәм аралаша алачак. Җитештерүчеләр өчен фестиваль турыдан-туры, арадашчылардан башка гына узып, яңа клиентлар табып, үз продукциясе турында белдерү мөмкинлеген бирәчәк. Ярминкә 10 октябрьгә кадәр дәвам итәчәк.
Дәүләт Кремль сараенда авыл хуҗалыгы һәм эшкәртү сәнәгате хезмәткәрләре көненә багышланган традицион концерт АСК атналыгының кульминациясе булачак.