«Комбайн – 2017» профилактик операциясе

Татарстан Республикасы Үзйөрешле машиналар һәм башка төр техниканың техник торышына күзәтчелек идарәсенең эш планы нигезендә 2017 елның 14 августыннан республикада «Комбайн-2017» профилактик операциясе башлана. Чараның төп бурычлары – урып-җыю чорында бөртекле ашлык комбайннарын имин эксплуатаци  яләү, имгәнүләрне булдырмау, техник иминлек кагыйдәләрен бозмау, янгын куркынычсызлыгын үтәү.

  «Комбайн-2017» операциясе ике күрше районның баш дәүләт инженер-инспекторлары катнашында хуҗалыкларга рейдлар рәвешендә уздырылачак.

 Рейд барышында техник карап чыгу узу турында таныклык, тракторчы-машинист таныклыгы, теркәү документлары булуга һәм үзйөрешле машиналарның имин эксплуатация таләпләренә туры килүенә аерым игътибар биреләчәк.

Хокук бозулар ачыкланган очракта, Россия Федерациясе законнары нигезендә авыл хуҗалыгы берәмлекләре җитәкчеләренә күрсәтмәләр биреләчәк, ә аеруча зур хокук бозулар ачыкланса, административ җәза да биреләчәк.