Снегоходны эксплуатацияләү осталык һәм күнекмәләр таләп итә
Кар машинасын кулланганда, машина йөртүче юл хәрәкәте кагыйдәләрен, куркынычсыз файдалану кагыйдәләрен белергә һәм әлеге категория техниканы яхшы йөртә белергә тиеш. Боларның барысына да, махсуслаштырылган белем бирү курсын узып һәм белемнәрне ныгытып, уку урыны буенча Дәүләт техник күзәтчелек бүлекләрендә имтихан биреп, өйрәнергә мөмкин.
Агымдагы елның 5 мартында Татарстан Республикасы Дәүләт техник күзәтчелек идарәсенең Минзәлә муниципаль районы бүлеге баш дәүләт инженер-инспекторы, Татарстан Республикасы Дәүләт техник күзәтчелек идарәсенең Актаныш муниципаль районы бүлеге баш дәүләт инженер-инспекторы белән берлектә Минзәлә авыл хуҗалыгы техникумында курслар тәмамлаган курсантлардан AI категорияле тракторчы-машинист таныклыгын алуга имтихан кабул иттеләр. 11 курсант арасыннан 7 се имтиханны уңышлы тапшырды. Сынауны кабат тапшыру 7 көннән соң мөмкин булачак.
Ринат Гыйльманов – ТР Дәүләт техник күзәтчелек идарәсенең Минзәлә шәһәре һәм Минзәлә муниципаль районы бүлегенең баш дәүләт инженер-инспекторы.