Татарстан Республикасы Чирмешән муниципаль районында куркынычсызлык дәресе узды
Чирмешән муниципаль районының Күтәмә һәм Ивашкино авылларында «Куркынычсызлык дәресе» айлыгын үткәрү барышында Татарстан Республикасы Дәүләт техник күзәтчелек идарәсенең Чирмешән муниципаль районы бүлеге дәүләт инженер-инспекторы А.М.Мордвинов мәктәп укучылары белән «Снегоход» дигән темага мототранспорт чаралары белән идарә итү куркынычсызлыгы кагыйдәләре һәм аларда йөргәндә саклык чаралары буенча очрашулар үткәрде.
Дәрестә 8-11 сыйныф укучылары катнашты. ТРда шундый транспорт чаралары буенча һәлакәтләр статистикасы китерелде, слайдта нинди экипировка булырга тиешлеге күрсәтелде һәм кызыксындырган сорауларга җаваплар бирелде.
Алексей Мордвинов – Татарстан Республикасы Дәүләт техник күзәтчелек идарәсенең Чирмешән муниципаль районы бүлегенең баш дәүләт инженер-инспекторы.