«Татавтодор» АҖ Минзәлә филиалының Мөслим участогында техник карау
2026 елның 21 апрелендә «Татавтодор» АҖ Минзәлә филиалының Мөслим участогында районда юллар төзүдә һәм карап тотуда катнашкан үзйөрешле машиналар техник карау узды. Техник карау өчен барлыгы 11 берәмлек техника тәкъдим ителде. Барлык машиналар да яхшы әзерләнгән иде, эксплуатацияләү кагыйдәләре таләпләренә җавап бирә һәм техник тикшерү узу турында таныклыклар алдылар. Карау барышында тракторларның техник торышы, тышкы яктылык приборларының төзеклеге, беренчел янгын сүндерү чаралары белән комплектланган булуы һәм медицина аптечкалары булуы, шулай ук теркәү документлары һәм механизаторларның тиешле категориядәге тракторчы-машинист таныклыкларының булуы тикшерелде. Шулай ук узган елда Татарстан Республикасында юл-транспорт һәлакәтләре һәм үзйөрешле машиналар катнашында булган бәхетсезлек очраклары турында мәгълүмат та җиткерелде.
Рәшит Кирамов – Татарстан Республикасы Дәүләт техник күзәтчелек идарәсенең Мөслим муниципаль районы буенча бүлегенең баш дәүләт инженер-инспекторы.