Дәүләт инженер-инспекторларының «ВОЛГА» ҖЧҖенә профилактик визиты
«Россия Федерациясендә дәүләт контроле (күзәтчелеге) һәм муниципаль контроль турында» 2020 елның 31 июлендәге 248-ФЗ номерлы федераль законның 52 статьясы һәм Татарстан Республикасы Министрлар Кабинетының 02.12.2022 ел, № 1276 карары белән расланган Үзйөрешле машиналарның һәм башка төр техниканың техник торышы һәм эксплуатациясе өлкәсендә региональ дәүләт контроле (күзәтчелеге) турында нигезләмәнең 23 пункты нигезендә Татарстан Республикасы Дәүләт техник күзәтчелек идарәсенең күзәтчелек һәм автоматлаштырылган нигездә исәпкә алу бүлеге башлыгы Җәләлетдинов Илнур Рифкать улы һәмЗеленодольск шәһәре һәм Зеленодольск муниципаль районы бүлеге башлыгы Мөхәммәтҗанов Мансур Мөнир улы 2025 елның 25 декабрендә «ВОЛГА» ҖЧҖ профилактик визит ясадылар.
Профилактик визит барышында аерым игътибар контрольдә тотылучы затларның мәҗбүри таләпләрне үтәү ысуллары турында хәбәрдарлыгын арттыруга юнәлтелде. Профилактик визит вакытында контрольдә тотылучы затка РФ Хөкүмәтенең «Үзйөрешле машиналар һәм башка төр техниканың техник торышына һәм эксплуатациясенә карата таләпләрне раслау турында» 2022 елның 2 ноябрендәге 1967 номерлы карары белән расланган Үзйөрешле машиналар һәм башка төр техниканың техник торышына һәм эксплуатациясенә карата мәҗбүри таләпләрне үтәү кирәклеге турында мәгълүмат бирелде.
Өстәмә мәгълүмат җиткерелде: үзйөрешле машиналарда һәм тагылмаларда артта яссы вертикаль өслектә, үзйөрешле машинаның симметриясе күчәре буенча яисә аннан сул якта хәрәкәт юнәлеше буенча дәүләт теркәү билгесе куелырга тиеш, бу вакытта дәүләт теркәү билгесен конструкция элементлары белән каплауга юл куелмаска тиеш, ә дәүләт теркәү билгесе тышкы яктылык һәм яктылык сигналы приборларын каплап, үзйөрешле машинаның ян габариты артында чыгып тора алмый.
Профилактика визиты административ йогынты чараларын кулланмыйча, контроль-күзәтчелек эшчәнлегендә хәвеф-хәтәр юнәлешендә якын килү принципларына туры китереп тәмамланды.
Мондый чаралар мәҗбүри таләпләрне үтәү дәрәҗәсен күтәрүгә һәм үзйөрешле машиналарның техник торышын күзәтү өлкәсендә хокук бозулар санын киметүгә ярдәм итә.
Илнур Җәләлетдинов – Татарстан Республикасы Дәүләт техник күзәтчелек идарәсенең күзәтчелек һәм автоматлаштырылган нигездә исәпкә алу бүлеге башлыгы.