Татарстан Республикасы Зеленодольск муниципаль районында уртак профилактика чарасы
ТР Дәүләт техник күзәтчелек идарәсе боерыгы нигезендә, үзйөрешле машиналарны эксплуатацияләү кагыйдәләрен бозуларны кисәтү максатында, ТР Дәүләт техник күзәтчелек идарәсенең Зеленодольск шәһәре, Зеленодольск муниципаль районы һәм Югары Ослан муниципаль районы буенча бүлекләре тарафыннан үзйөрешле техниканы эксплуатацияләгәндә хокук бозуларны кисәтүгә юнәлдерелгән уртак профилактика чарасы үткәрелде.
Үзйөрешле машиналарны эксплуатацияләгәндә тикшерү барышында тышкы яктылык приборларының төзеклегенә, дәүләт теркәү билгесе, теркәү турында таныклык, машина, рөхсәт категориясе булган тракторчы-машинист таныклыгы, техник тикшерү узу турында таныклык, ОСАГО полисы булуга аерым игътибар бирелде. Барлыгы 7 берәмлек үзйөрешле техника тикшерелде.
Шул ук көнне, эш графигы нигезендә, Зеленодольск шәһәрендәге «Вездеход» ҖЧҖ базасында, уку курслары тәмамланганнан соң, тракторларга һәм «В, С, Д, Е» категориясендәге башка үзйөрешле машиналарга идарә итү хокукына имтиханнар кабул ителде. Гариза биргән 27 студент арасыннан 21е имтиханнарга килде һәм кертелде. Имтиханның теоретик һәм практик өлешләрен беренче мәртәбә 17 студент тапшырды, алар, укуларына карап, тиешле категориядәге тракторчы-машинист таныклыгы алачаклар.
Кабат имтиханнар нигезләмә нигезендә, беренчесен тапшырганнан соң җиде көн узгач билгеләнде.
Мансур Мөхәммәтҗанов – ТР Дәүләт техник күзәтчелек идарәсенең Зеленодольск шәһәре һәм Зеленодольск муниципаль районы бүлегенең баш дәүләт инженер-инспекторы.