Татарстан Республикасы Питрәч муниципаль районында «линиядә эшләү»
Татарстан Республикасы Дәүләт техника күзәтчелек идарәсе боерыгы нигезендә, үзйөрешле машиналарны эксплуатацияләү кагыйдәләрен бозуларны кисәтү максатларында, Татарстан Республикасы Дәүләт техник күзәтчелек идарәсенең Питрәч һәм Теләче муниципаль районнары бүлекләре тарафыннан үзйөрешле техниканы эксплуатацияләгәндә хокук бозуларны булдырмауга юнәлдерелгән уртак профилактика чарасы үткәрелде.
«Линиядә эшләү» Питрәч муниципаль районы территориясендә алып барылды. 3 торак пункт — Кощаково, Званка, «Царево» торак комплексы һәм «Городок» торак пункты колачланды.
Үзйөрешле машиналарны эксплуатацияләгәндә тикшерү барышында тышкы яктылык приборларының төзеклегенә, дәүләт теркәү билгесе, теркәү турында таныклык, машина, рөхсәт категориясе булган тракторчы-машинист таныклыгы, техник тикшерү узу турында таныклык, ОСАГО полисы булуга аерым игътибар бирелде.
Барлыгы 9 берәмлек үзйөрешле техника тикшерелде, 9.3 статья буенча 3 административ беркетмә төзелде.
Валерий Максимов – ТР Дәүләт техник күзәтчелек идарәсенең Питрәч муниципаль районы бүлегенең баш дәүләт инженер-инспекторы.