Татарстанның Чүпрәле һәм Буа муниципаль районнары территориясендә уртак профилактика чарасы
Агымдагы елның 11 декабрендә, үзйөрешле машиналарны эксплуатацияләү кагыйдәләрен бозуларны кисәтү максатларында, Татарстан Республикасы Дәүләт техник күзәтчелек идарәсенең Чүпрәле һәм Буа муниципаль районнары бүлеге тарафыннан үзйөрешле техниканы эксплуатацияләгәндә хокук бозуларны кисәтүгә юнәлдерелгән уртак профилактика чарасы уздырылды.
Әлеге чара Чүпрәле районының Яңа Борындык авыл җирлеге һәм Буа районының Әлшәй авыл җирлеге территориясендә уздырылды. Үзйөрешле машиналарны эксплуатацияләгәндә тикшерү барышында тышкы яктылык приборларының төзеклегенә, дәүләт теркәү билгесе, теркәү турында таныклык, машина, рөхсәт категориясе булган тракторчы-машинист таныклыгы, техник тикшерү узу турында таныклык, ОСАГО полисы булуга аерым игътибар бирелде. 2025 елда техник карау узмаган физик затларга шулай ук техник карау узу турында хәбәрләр тапшырылды. Эксплуатация вакытында барлыгы 5 берәмлек үзйөрешле техника тикшерелде.
Илдар Шәйхатдаров – ТР Дәүләт техник күзәтчелек идарәсенең Чүпрәле муниципаль районы бүлегенең баш дәүләт инженер-инспекторы.