Административ хокук бозуларны ачыклау буенча уртак профилактик рейд

2025 елның 8 декабре, дүшәмбе

2025 елның 8 декабрендә Татарстан Республикасы Чистай муниципаль районында үзйөрешле техниканы куллану процессында хокук бозуларны кисәтү максатларында Татарстан Республикасы Дәүләт техник күзәтчелек идарәсенең Чистай һәм Алексеевск районнары буенча бүлекләре башлыклары С.М.Дудин һәм Ә.Г.Тукмаков  тарафыннан уртак профилактик рейд оештырылды. Рөхсәт категориясе булган тракторчы-машинист таныклыклары, техник тикшерү узу турында таныклыклар, ОСАГО полисы, шулай ук техник тикшерү узу турында белешмәләргә аерым игътибар бирелде. Рейд вакытында 10 берәмлек трактор һәм башка үзйөрешле техника тикшерелде.

Әгъләм Тукмаков – ТР Дәүләт техник күзәтчелек идарәсенең Алексеевск муниципаль районы бүлегенең баш дәүләт инженер-инспекторы.