Мамадыш муниципаль районында "Кама көче" ралли-рейды старт алды
2025 елның 8-10 августында матур Мамадыш районында чын мәгънәсендә тизлек һәм драйв бәйрәме – "Кама көче" ралли-рейды узды. Чын адреналин яратучылар өчен юлсыз экстремаль узышлар буларак барлыкка килгән бу вакыйга быел рәсми рәвештә Татарстан Республикасы Чемпионаты статусын алды. Ярышлар өч көн дәвам итте, тамашачыларга һәм катнашучыларга онытылмас хисләр бүләк итте.
Катнашучылар катлаулы трассаларны яуларга киткәнче, стартта үзенчәлекле атмосфера хөкем сөрде. Мамадыш муниципаль районы дәүләт техник күзәтчелек бүлеге җитәкчесе А.Н.Гыймазов техниканың һәм спортчыларның әзерлеген шәхсән үзе тикшерде. Квадроциклларга һәм баггиларга теркәү документлары, техник карау, шулай ук «AI» һәм «A2» категорияле тракторчы-машинист таныклыклары җентекләп тикшерелде. Моннан тыш, катнашучылар белән техниканы куркынычсыз эксплуатацияләү кагыйдәләре турында мөһим әңгәмә үткәрелде, куркынычсызлык – барыннан да өстен, хәтта иң мавыктыргыч узышларда да.
Алмаз Гыймазов – ТР Дәүләт техник күзәтчелек идарәсенең Мамадыш муниципаль районы бүлегенең баш дәүләт инженер-инспекторы.