Татарстан Республикасы Биектау муниципаль районының «Полигран» ҖК ҖЧҖ техник карау узды

2025 елның 8 апреле, сишәмбе

2025 елның 7 апрелендә Биектау муниципаль районының «Полигран» ҖК ҖЧҖ чираттагы техник карау узды. Карау өчен 5 берәмлек техника тәкъдим ителде. Чара барышында теркәү документлары, машиналарның техник торышы, аларны эксплуатацияләгәндә куркынычсызлык таләпләренә туры килү-килмәве тикшерелде. Чарада катнашучылар белән үзйөрешле машиналарны куркынычсыз эксплуатацияләү буенча профилактик әңгәмә үткәрелде.

Техник карау нәтиҗәләре буенча техник карау узган барлык үзйөрешле машиналарга техник карау узу турында таныклыклар биреләчәк.

Айрат Хаҗиәхмәтов – ТР Дәүләт техник күзәтчелек идарәсенең Биектау муниципаль районы бүлегенең баш дәүләт инженер-инспекторы.