Лениногорск нефть техникумында юлсыз урыннардан йөри торган мототранспорт чараларын йөртүчеләр өчен сынау узды
Лениногорск нефть техникумы мототранспорт чараларын йөртүчеләр төркемен укытып чыгарды. Агымдагы елның 21 мартында Татарстан Республикасы Дәүләт техник күзәтчелек идарәсенең Лениногорск шәһәре һәм Лениногорск муниципаль районы бүлеге дәүләт инженер-инспекторы И.Н.Галимов, Бөгелмә шәһәре һәм Бөгелмә муниципаль районы бүлеге дәүләт инженер-инспекторы С.А.Попов белән берлектә укучылардан имтихан кабул ителде. Имтиханның теоретик өлеше учреждениенең уку кабинетында узды, биредә курсантлар имтихан билетларын «Гостехнадзор-Экзамен» мәгълүмати системасында хәл иттеләр. Практик өлештә имтихан бирүчеләрнең кар-сазлык машинасын йөртү күнекмәләре тикшерелде.
Имтихан тапшырырга гариза биргән 14 курсантның 13е килде, 11е имтиханны уңышлы тапшырды. Имтиханны уңышлы тапшыручылар АІ категорияле тракторчы-машинист таныклыклары алачак. Имтиханга килмәгәннәр һәм беренче тапкырдан имтиханны тапшыра алмаучылар өчен кабат чара билгеләнде.
Илнур Галимов – ТР Дәүләт техник күзәтчелек идарәсенең Лениногорск шәһәре һәм Лениногорск муниципаль районы бүлегенең баш дәүләт инженер-инспекторы.