Татарстан Республикасы Питрәч муниципаль районының «Агролак-К» ҖЧҖендә күрсәтмә техник карау узды
Техник тикшерүләр уздыруның план-графигына ярашлы рәвештә, 2025 елның 20 мартында «Агролак-К» ҖЧҖ 20 берәмлек техникасын күрсәтмә техник карау уздыру өчен әзерлек сызыгына тәкъдим итте. Әлеге чарага районның АСК инженер-техник хезмәткәрләре чакырылган иде. Хезмәтләрнең бу төре РФ Хөкүмәтенең «Үзйөрешле машиналарны һәм башка төр техниканы техник карау турында» 2020 елның 7 октябрендәге 1538 номерлы карарына нигезләнеп башкарылды.
Техник тикшерү вакытында машиналарның куркынычсызлык таләпләренә туры килгән техник торышына – тормозларның, тавыш сигналының, руль идарәсенең, яктылык приборларының төзеклегенә, трактор-тагылманың иминиятләштерү тоташтыргычларының төзеклегенә аерым игътибар бирелде. Шулай ук медицина аптечкасы, янгын сүндергеч, авария хәлендәге тукталыш билгесе, теркәү документларында күрсәтелгән номер агрегатларының туры килүе, механизаторларның тракторчы-машинист таныклыкларында категорияләрнең булуы һәм туры килүе тикшерелде.
Техник тикшерү нәтиҗәләре буенча, ачыкланган бозулар буенча 2 техник тикшерү акты төзелде.
Техник карап чыгуны уңышлы үткәннәргә техник карау узу турында таныклыклар биреләчәк.
Валерий Максимов – ТР Дәүләт техник күзәтчелек идарәсенең Питрәч муниципаль районы бүлегенең баш дәүләт инженер-инспекторы.