Татарстан Республикасы Азнакай муниципаль районының Чалпы һәм Татар Шуганы авылларында техник карау
2025 елның 21 мартында Азнакай муниципаль районының Чалпы һәм Татар Шуганы авылларында шәхси хуҗаларның тракторларына һәм тагылмаларына техник тикшерү үткәрелде. Барлыгы 18 берәмлек техника тәкъдим ителде, уңышлы узганнар техник карау узу турында таныклык алачак.
Техник тикшерү уздырылган вакытта машиналарның техник куркынычсызлык таләпләренә җавап бирүенә: тормозларның, руль системасының, яктырту җайланмаларының, хәрәкәт итү өлешенең, тавыш сигналының, тагылманың иминият ялганышлары төзек булуына, тагылмаларда саклагыч чылбырлар (трослар) булуына, шулай ук машинаның теркәлү белешмәләренә туры килүенә, йөртүчедә тиешле категория буенча тракторчы-машина йөртүче таныклыгы булу-булмавына махсус игътибар бирелде.
Техник карау уздыру сезонлы эш башланганчы кирәкле чара булып тора, һәм күп кенә машина хуҗалары моны аңлыйлар һәм әзерләнәләр, әмма бу процедураны санга сукмаган һәм техниканы техник тикшерүсез файдаланырга тырышкан хуҗалар да бар, бу административ хокук бозуга китереп, начар нәтиҗәләр бирергә мөмкин. Боларның барысы турында да машина хуҗаларына профилактик әңгәмә вакытында аңлатылды.
Шамил Гаскәров – ТР Дәүләт техник күзәтчелек идарәсенең Азнакай шәһәре һәм Азнакай муниципаль районы бүлегенең баш дәүләт инженер-инспекторы.