«Мамадыш торак-коммуналь хуҗалыгы» ҖЧҖ
Агымдагы елның 3 октябрендә «Мамадыш торак-коммуналь хуҗалыгы» ҖЧҖ үзйөрешле техникага ел саен үткәрелә торган техник карау үткәрелде. Карау өчен барлыгы 18 берәмлек техника тәкъдим ителде.
Үзйөрешле машиналарга техник тикшерү уздырган вакытта аларның тышкы кыяфәтенә, техник торышына, теркәү документлары булу-булмавына, тракторчы-машинист таныклыкларына, дәүләт теркәү билгесенә, машиналардагы номер агрегатларының документларда күрсәтелгән белешмәләргә туры килү-килмәвенә, шулай ук аптечка, янгын сүндергеч җайланма, аварияле тукталыш тамгасы булу-булмавына махсус игътибар бирелде. Шулай ук юл хәрәкәте иминлеге, куркынычсызлык техникасы һәм янгын куркынычсызлыгы буенча профилактик әңгәмә үткәрелде. Барлык техника да тиешле дәрәҗәдә әзерләнгән һәм тикшерүне уңышлы үтте.
Алмаз Гыймазов – ТР Дәүләт техник күзәтчелек идарәсенең Мамадыш муниципаль районы бүлегенең баш дәүләт инженер-инспекторы.