Татарстан Республикасы Питрәч районының Кощаково авыл җирлегендә физик затларның тракторларын һәм үзйөрешле машиналарын техник карау
2024 елның 25-27 сентябрендә Питрәч муниципаль районының Кощаково авыл җирлегендә үзйөрешле, юл-төзелеш һәм башка машиналарга, тракторларга һәм тагылмаларга техник тикшерү уздыру турында җибәрелгән хәбәрләргә ярашлы рәвештә, техник тикшерү уздырылды.
«Үзйөрешле машиналар һәм техниканың башка төрләре турында» 02.07.2021 ел, №297-ФЗ федераль закон, Татарстан Республикасы Министрлар Кабинетының «Татарстан Республикасы Үзйөрешле машиналар һәм башка төр техниканың техник торышына күзәтчелек идарәсе турында» 26.12.2011 ел, №1064 карары нигезендә дәүләт техника күзәтчелек органнарына үзйөрешле машиналарга һәм башка төр техникага техник тикшерү уздыру вәкаләтләре йөкләнгән.
Үзйөрешле машиналарга һәм башка төр техникага техник тикшерү үткәрү кагыйдәләренең 5 пункты нигезендә (РФ Хөкүмәтенең 2013 елның 13 ноябрендәге 1013 номерлы карары белән), машиналар түбәндәге ешлык белән техник яктан тикшерелергә тиеш: а) пассажирлар йөртү өчен билгеләнгән һәм йөртүче утыргычыннан тыш, 8 урынлы автотранспорт чаралары – һәр 6 ай саен; б) калган машиналар – ел саен. Үзйөрешле машиналарга һәм башка төр техникага техник тикшерү үткәрү кагыйдәләре нигезендә, техник карау үткәргәндә күрсәтелә торган барлык пунктлар да тикшерелде – бу техниканың техник торышы, тормозларның, руль идарәсенең, яктылык приборларының, тавыш сигналының төзеклеге, теркәү мәгълүматлары.
Техник карау өчен 10 трактор һәм юл-төзелеш машинасы тәкъдим ителде. Техник тикшерү үткәрү таләпләренә туры килгән техникага техник тикшерү узу турында таныклыклар биреләчәк.
Валерий Максимов – ТР Дәүләт техник күзәтчелек идарәсенең Питрәч муниципаль районы бүлегенең баш дәүләт инженер-инспекторы.