Татарстан Республикасы Арча муниципаль районында еллык техник карау
2024 елның 16 апрелендә, еллык техник карау графигына ярашлы рәвештә, Арча районының «Казанка» агрофирмасы» ҖЧҖ һәм «Ашытбаш» АСК ҖЧҖ үзйөрешле машиналары һәм тагылмаларына еллык техник карау үткәрелде. Механизаторлар еллык техник тикшерүгә әзерләнүгә җаваплы караганнар, техника куелган таләпләргә туры килә һәм аңа техник тикшерү узу турында таныклыклар биреләчәк. Техник тикшерүгә йомгак ясап, механизаторларга һәм вазыйфаи затларга язгы кыр эшләрен башкарганда куркынычсызлык техникасын һәм юл хәрәкәте кагыйдәләрен үтәү буенча таләпләр турында аңлатылды. 2023 елда Татарстан Республикасы буенча транспорт катнашында булган юл һәлакәтләре һәм бәхетсезлек очраклары буенча мисаллар китерелде.
Габделхак Касыймов – ТР Дәүләт техник күзәтчелек идарәсенең Арча муниципаль районы буенча баш дәүләт инженер-инспекторы.