Татарстан Республикасы Тукай муниципаль районында язгы кыр эшләрен үткәрүгә әзерлек буенча конкурс
2024 елның 12 апрелендә Тукай муниципаль районында хуҗалыкларның агросәнәгать комплексы оешмалары арасында 2024 елгы язгы кыр эшләрен уздыруга әзерлеге буенча игълан ителгән республика конкурсы кысаларында конкурс узды. Татарстан Республикасы Дәүләт техник күзәтчелек идарәсе башлыгы А.Ш.Борһанов җитәкчелегендә, Татарстан Республикасы Авыл хуҗалыгы һәм азык-төлек министрлыгының Тукай районындагы авыл хуҗалыгы идарәсе башлыгы Р.В.Хәбетдинов, Тукай районы буенча дәүләт техник күзәтчелек бүлегенең баш инженер-инспекторы урынбасары Р.Р.Борһанова һәм хуҗалыклар җитәкчеләре катнашындагы комиссия районның 7 авыл хуҗалыгы предприятиесендә һәм фермер хуҗалыгында күчмә тикшерү үткәрделәр.
Хуҗалыкларны әйләнеп чыгу барышында техниканың язгы кыр эшләренә әзерлеге, техниканы куркынычсыз эксплуатацияләү, хезмәтне саклау таләпләрен үтәү һәм үсемлекчелек буенча чараларны үтәү тикшерелде. Шулай ук Альберт Борһанов узган елда Татарстан Республикасы буенча үзйөрешле машиналар катнашындагы юл-транспорт һәлакәтләре һәм бәхетсезлек очраклары турында мәгълүмат җиткерде.
Комиссия авыл хуҗалыгы формированиеләренең әзерлек дәрәҗәсен 50 баллы система буенча бәяләде. Конкурс нәтиҗәләре буенча беренче урынны – «Гигант» ҖЧҖ, икенче урынны – «Сәйдәшев исемендәге АХП» ҖЧҖ һәм өченче урынны «Кама» а/ф» ҖЧҖ алды. Комиссия хуҗалыкларның әзерлеген югары бәяләде һәм чәчү техникасын әзерләүдә катнашкан барлык механизаторларга, белгечләргә һәм җитәкчеләргә рәхмәт белдерде.
Киңәшмә ахырында Альберт Шамил улы барысына да язгы кыр эшләрен уңышлы һәм оптималь срокларда үткәрергә һәм яхшы уңыш алырга теләде, һәм, әлбәттә, куркынычсызлык техникасын һәм юл хәрәкәте кагыйдәләрен төгәл үтәүне таләп итте.