Сарман аграр көллиятендә имтиханнар узды
21 июльдә Сарман аграр көллиятендә «BCEF» категорияле тракторчы-машинист таныклыгы алу өчен чираттагы имтиханнар узды. Имтиханга барлыгы 18 студент кертелде, шуларның 16сы имтиханда катнашты.
Имтиханның теоретик өлеше көллиятнең компьютер классында узды, анда студентлар үзйөрешле машиналарны эксплуатацияләү, куркынычсыз эксплуатацияләү һәм юл хәрәкәте кагыйдәләрен белү буенча белемнәрен күрсәттеләр. Теоретик имтиханны тапшырган укучылар таныклык алу өчен гамәли йөртү күнекмәләрен тапшыруга кертелделәр.
Булачак тракторчылар-машинистлар яхшы белем күрсәттеләр. Имтихан тапшыручыларның барысы да тиздән таныклык алачаклар һәм районыбыз хуҗалыкларында һәм оешмаларында үз осталыкларын камилләштерүләрен дәвам итәчәкләр. Имтихан тапшыра алмаган студентларга 7 көннән өстәмә имтихан билгеләнәчәк.
Альберт Сәлахов – ТР Дәүләт техник күзәтчелек идарәсенең Сарман муниципаль районы буенча баш дәүләт инженер-инспекторы.