Бу атнада техник карау Апас муниципаль районының Чирмешән һәм Бакырчы авыл җирлекләрендә узды

2023 елның 14 июле, җомга

Апас муниципаль районының Чирмешән авыл җирлегендә физик затларга караган үзйөрешле машиналарга техник карау үткәрелде, анда 17 берәмлек техника тәкъдим ителде. Шуларның 13е – тракторлар һәм 4се – тагылмалар.

Бакырчы авыл җирлегендә 8 берәмлек техника тәкъдим ителде.

Тракторларның һәм арбаларның техник торышы, теркәү документлары, тракторчы-машинист таныклыклары булу-булмавы тикшерелде. Юл хәрәкәте иминлеге, куркынычсызлык техникасы һәм янгын куркынычсызлыгы буенча профилактик әңгәмә үткәрелде.

Уздырылган тикшерү нәтиҗәләре буенча техник карау узу турында таныклыклар биреләчәк.

Ирек Солтанбәков – Дәүләт техник күзәтчелек идарәсенең Апас муниципаль районы буенча баш дәүләт инженер-инспекторы.