Мамадыш муниципаль районында ашлык җыю комбайннарын кабул итү
Мамадыш муниципаль районында ашлык җыю комбайннарын кабул иттеләр. Комиссия составына Татарстан Республикасы Авыл хуҗалыгы һәм азык-төлек министрлыгы вәкилләре, Мамадыш муниципаль районы буенча дәүләт техник күзәтчелек бүлеге башлыгы һәм Мамадыш муниципаль районы авыл хуҗалыгы идарәсе белгечләре керде.
Тикшерү вакытында ашлык җыю комбайннарының техник торышына, шулай ук теркәү документлары, тиешле категориядәге рөхсәт таныклыгы, аптечкалар, янгын сүндерү чаралары булу-булмавына аерым игътибар бирелде. Шулай ук ашлык югалту фактын ачыклау өчен сайланма суктыру да уздырылды.
Комиссия авыл хуҗалыгы техникасының җыештыруга югары дәрәҗәле әзерлеген билгеләп үтте.
Алмаз Гыймазов – Мамадыш муниципаль районы буенча ТР Дәүләт техник күзәтчелек идарәсе бүлеге җитәкчесе.