Татарстан Республикасының Яңа Чишмә муниципаль районында комбайннарны кабул итү конкурсы
2023 елның 27 июнендә Яңа Чишмә районында ашлык җыю комбайннарын кабул итү конкурсы узды. Составына Татарстан Республикасы Авыл хуҗалыгы һәм азык-төлек министрлыгы вәкилләре, районның авыл хуҗалыгы һәм азык-төлек идарәсе баш белгечләре, Яңа Чишмә районы буенча дәүләт техник күзәтчелек бүлеге башлыгы кергән комиссия әгъзалары «Агро-Основа» ҖЧҖ, «АгроРаздолье» ҖЧҖ, Козлов В.А. һәм Козлов А.Е. КФХ, Скоков Н.А. КФХ, «Закрома» ҖЧҖ һәм башка вак КФХларда булып чыктылар. Тикшерү барышында урып-җыю эшләре вакытында югалтуларны булдырмау максатыннан, ашлык суктыруга сайланма тикшерү уздырылды. КФХ башлыклары үзләрен кызыксындырган сорауларны бирделәр. Ачыкланган искәрмәләр буенча аларны бетерү буенча тәкъдимнәр бирелде.
Рәис Хисмәтуллин – ТР Дәүләт техник күзәтчелек идарәсенең Яңа Чишмә муниципаль районы буенча баш дәүләт инженер-инспекторы.