ТР Питрәч муниципаль районындагы П.В.Дементьев исемендәге Казан авиация техникасы көллияте филиалында имтиханнар булып узды
ТР Питрәч муниципаль районындагы П.В.Дементьев исемендәге Казан авиация техникасы көллияте филиалында дәүләт техник күзәтчелек бүлеге тарафыннан «В,С» категорияле авыл хуҗалыгы җитештерүенең тракторчы-машинисты һөнәре буенча белем алучы студентлардан имтихан алынды. Имтиханга 26 студентның 24е килгән иде. Имтихан 3 этапта узды: эксплуатация буенча теоретик өлеш, куркынычсыз эксплуатация буенча һәм уку йортының трактодромында БЕЛАРУС-1221.2 һәм Т-40М тракторларында йөртү буенча практик күнекмәләр. 24 студент арасыннан 3се куркынычсыз эксплуатация теориясен һәм 1 кеше машина йөртү күнекмәсе буенча сынауны тапшыра алмады. Имтиханны уңышлы тапшырган кешеләр якын арада ВС категорияле тракторчы-машинист таныклыкларын алачак. Кабат имтихан бер атнадан соң билгеләнә.
Валерий Максимов – ТР Дәүләт техник күзәтчелек идарәсенең Питрәч муниципаль районы бүлегенең баш дәүләт инженер-инспекторы.