Татарстан Республикасының Буа муниципаль районында Сабантуй милли бәйрәме булып узды
Бу елның 10 июнендә Буа районының Кояшлы алан авылында милли Сабантуй бәйрәме узды. Көннең беренче яртысында начар һава торышы булуына карамастан, район сабан туе 5 меңнән артык кешене җыйды. Быел бәйрәм Буа районында яшәүче халыкларның үзенчәлекле мәдәниятен торгызу стилендә үтте. Буалыларның күпчелеге һәм аларның күпсанлы кунаклары бәйрәмгә үзләренең милли киемнәрендә килделәр һәм моның өчен җиһазландырылган борынгы ишегалларында актив катнаштылар. Милли йортларны татарлар, руслар һәм чуашлар тәкъдим итте, аларның һәрберсендә балалар өчен борынгы уеннар һәм күңел ачулар үткәрелде, лапта, бура, "пәке уены" һәм башкалар уздырылды. Шулай ук балалар өчен традицион рәвештә күп төрле күңел ачу чаралары оештырылган иде, аеруча балаларга күңел ачу аттракционнары популяр булды. Шуңа бәйле рәвештә, Сабантуй алдыннан Татарстан Республикасы Дәүләт техник күзәтчелек идарәсенең җирле бүлеге инспекторы Разбитнов Евгений күңел ачу аттракционнарының барлык урыннарын тикшереп чыкты. Тикшерү барышында аттракционнарга, теркәү документларына һәм әлеге объектларны эксплуатацияләгәндә куркынычсыз мохит булдыруга аерым игътибар бирелде. Тикшерү нәтиҗәләре буенча 6 аттракцион файдалануга тапшырылды һәм аларда эксплуатантларга вакытлыча теркәлү турында тиешле таныклыклар бирелде, ә ике эксплуатантка тәкъдим ителгән аттракционнарга кирәкле документлар булмау сәбәпле теркәүдән баш тартылды. Сабантуй көнендә әлеге аттракционнарның эшен оештыруга турыдан-туры контроль гамәлгә ашырылды. Бәйрәм кичкә кадәр дәвам итте, ә ул тәмамлангач, мәйдан өстендә кичке күкне грандиоз салют бизәде.
Евгений Разбитнов – бүлек башлыгы, ТР Дәүләт техник күзәтчелек идарәсенең Буа шәһәре һәм Буа муниципаль районы буенча баш дәүләт инженер-инспекторы.
.jpg)