ТР Менделеевск муниципаль районында техниканың кышкы чорда саклау тәртибен карау

2023 елның 1 феврале, чәршәмбе

2023 елның 1 февралендә ТР авыл хуҗалыгы һәм азык-төлек министры урынбасары Рафаэль Фәттахов  ТР Менделеевск муниципаль районында эш визиты белән булды. Уртак сәфәрдә авыл хуҗалыгы идарәсе башлыгы Илнур Фәрухшин һәм Менделеевск муниципаль районының дәүләт техник күзәтчелек бүлеге башлыгы Илдар Газизуллин катнашты. Сәфәр барышында хуҗалыкларны йөреп чыктылар, авыл хуҗалыгы техникасын саклау һәм язгы кыр эшләренә әзерлек тикшерелде. Кышкы чорда техниканы саклау кагыйдәләре өстәмә рәвештә аңлатылды. 

Илдар Газизуллин – ТР Дәүләт техник күзәтчелек идарәсенең Менделеевск шәһәре һәм Менделеевск муниципаль районы буенча баш дәүләт инженер-инспекторы.