Татарстан Республикасының Актаныш муниципаль районында физик затлар техникасын техник тикшерү
Актаныш муниципаль районының авыл җирлекләрендә шәхси затларның тракторларын һәм тагылмаларын техник тикшерү дәвам итә. Соңгы атнада Әтәс, Пучы, Такталачык һәм Түке авыл җирлекләрендә техник тикшерүләр үткәрелде. 130 берәмлектән артык техника каралды.
«Корыч ат» хуҗаларының күбесе техниканы әзерләүгә намуслы караган һәм аерым шелтәләр булмады. Алдан игълан ителеп, милекченең яшәү урыны буенча техник тикшерүләр үткәрелде. Авыл җирлекләрендә җирле үзидарә органнары алдан ук хуҗаларга үткәрелә торган чараның датасы һәм вакыты турында хәбәр итә.
Техниканы ышанычлы эксплуатацияләү һәм аны рөхсәт документлары белән комплектлау өчен дәүләт техник күзәтчелек хезмәте үзйөрешле машиналарны һәм тагылмаларны техник карауга вакытында тәкъдим итәргә чакыра.
Транспорт чаралары хуҗаларына Татарстан Республикасында тракторлар һәм үзйөрешле машиналар катнашындагы юл-транспорт һәлакәтләре турында мәгълүмат җиткерелде.
Техник тикшерү узганнарга техник тикшерү узу турында таныклыклар биреләчәк.
Илдус Хәкимов – ТР Дәүләт техник күзәтчелек идарәсенең Актаныш муниципаль районы бүлегенең баш дәүләт инженер-инспекторы.