Ашлык суктыру техникасын 2021 ел уңышын җыюга кабул итү
2021 елның 14 июлендә Чистай муниципаль районында ашлык суктыру комбайннарының 2021 елгы уңышны җыеп алуга әзерлеге буенча смотр-кабул итү узды. Татарстан Республикасы Авыл хуҗалыгы һәм азык-төлек министрлыгы вәкилләре, Чистай муниципаль районы авыл хуҗалыгы һәм азык-төлек идарәсенең бүлекләрдәге җитәкчеләре һәм баш белгечләре, Дәүләт техник күзәтчелек идарәсенең Чистай районы бүлеге җитәкчесе кергән конкурс комиссиясе чыгарып бастырылган ашлык җыю комбайннарының торышын тикшерде. Смотр-конкурс барышында өстәмә рәвештә авыл хуҗалыгы машиналарын эксплуатацияләгәндә хезмәтне саклау һәм куркынычсызлык техникасы буенча инструктажлар үткәрелде, урып-җыюның сыйфатына карата таләпләр җиткерелде.
Конкурс нәтиҗәләре буенча беренче урынны «Чистай» АФ ҖЧҖ алды, икенче урында – «Кама аръягы-Агро» ҖЧҖ, өченче урында – «Чистай-Агро» ҖЧҖ.
Сергей Дудин – ТР Чистай шәһәре һәм Чистай муниципаль районы буенча баш дәүләт инженер-инспекторы.