Баулы районында ветеранны котлау

2021 елның 21 гыйнвары, пәнҗешәмбе

2021 елның 21 гыйнварында Татарстан Республикасы Баулы муниципаль районы авыл хуҗалыгы һәм азык-төлек идарәсе башлыгы А.М.Талипов һәм Татарстан Республикасы Дәүләт техник күзәтчелек идарәсенең Баулы муниципаль районы бүлеге җитәкчесе Р.М. Мөхәммәтҗанов ветеран Шәрифуллин Динам Ярулла улын 80 яшьлек юбилее белән котладылар.

Динам Ярулла улы 1969 елның языннан 1978 елга кадәр Баулы районы Башкарма комитетының авыл хуҗалыгы идарәсендә «Госсельтехнадзор»ның өлкән инженеры буларак эшли. Район башкарма комитетында эшләгән вакытта җәмәгать эшләре алып барыла: районның халык контроле комитетының штаттан тыш инспекторы, Баулы эчке эшләр идарәсенең штаттан тыш инспекторы итеп билгеләнә һәм «Хезмәткә дан» газетасы редакциясе белән актив хезмәттәшлек итә. Динам Ярулла улы эшләгән чорда Баулы районы 7 ел рәттән «Татарстан районнарында техник хезмәт күрсәтүне һәм авыл хуҗалыгы техникасын саклап калуны үрнәк итеп оештырган өчен» конкурсында 2-3 урыннарны яулый. Динам Ярулла улы СССР оешуга 50 ел тулу уңаеннан РСФСР Авыл хуҗалыгы министрлыгының Мактау грамотасы белән бүләкләнгән. Шулай ук «1997 елгы социалистик ярышта җиңүче» билгесе белән дә билгеләп үтелгән. 1999 елда Динам Ярулла улына «Хезмәт ветераны» исеме бирелә.  

Р.М.Мөхәммәтҗанов – ТР Дәүләт техник күзәтчелек идарәсенең Баулы шәһәре һәм Баулы муниципаль районы буенча баш дәүләт инженер-инспекторы.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International