Минзәлә авыл хуҗалыгы техникумында имтиханнар үткәрү
2026 елның 6 маенда Татарстан Республикасы Дәүләт техник күзәтчелек идарәсенең Минзәлә һәм Актаныш муниципаль районнары буенча дәүләт инженер-инспекторлары «Минзәлә авыл хуҗалыгы техникумы» ДАҺБУ имтихан үткәрделәр. Уку йортында белем бирү процессының җиһазланышына карата таләпләргә туры килү турында таныклык бар һәм ул B, C, D, E, F категорияләрендәге тракторчы-машинист һөнәре буенча һөнәри белем алган чираттагы төркемне әзерләп чыгарган. Гамәлдәге медицина бәяләмәсе булган 19 курсант, аппарат-программа комплексын кулланып, Россия Федерациясе Авыл хуҗалыгы министрлыгы тарафыннан расланган имтихан билетлары буенча теоретик имтихан тапшырды. Аннары машина йөртү күнекмәләре һәм үзйөрешле машиналарда имин эксплуатацияләү тикшерелде. Имтихан билетларын тапшыра алмаган кешеләргә кабат имтиханга кимендә 7 көннән соң килергә кирәк булачак. Практик имтиханга рөхсәт алучылар яхшы машина йөртү күнекмәләрен күрсәттеләр.
Ринат Гыйльманов – ТР Дәүләт техник күзәтчелек идарәсенең Минзәлә шәһәре һәм Минзәлә муниципаль районы бүлегенең баш дәүләт инженер-инспекторы