Татарстан Республикасы Чүпрәле муниципаль районының «Цильна» ҖЧҖ техник карау уздырылды
Татарстан Республикасы Дәүләт техник күзәтчелек идарәсенең Чүпрәле районы бүлеге, расланган график нигезендә, «Цильна» ҖЧҖ тракторларга, үзйөрешле машиналарга һәм аларның тагылмаларына техник карау уздырды.
Техник карау өчен 67 берәмлек техника, шул исәптән 4 берәмлек фронталь төягеч тәкъдим ителде. Хуҗалык ел саен Татарстан Республикасы буенча язгы кыр һәм урып-җыю эшләрен беренчеләрдән булып төгәлли.
Техкарау барышында тракторларның һәм аларга тагылмаларның имин, авариясез эксплуатациягә техник яктан туры килү-килмәве тикшерелде. Үзйөрешле машиналар янгын сүндерү чаралары, дару тартмалары, авария тукталышы билгеләре һәм кире чигенүгә каршы терәтмәләр белән комплектланган. Үзйөрешле машиналар белән идарә итүгә махсус техникада эшләү өчен тиешле рөхсәт категориясе һәм квалификациясе булган квалификацияле механизаторлар кертелгән.
64 берәмлек техника техник карау үтте, 3 берәмлек техникага техник карау актлары рәсмиләштерелде.
Техник тикшерүгә йомгак ясап, механизаторларга, вазыйфаи затларга тагылмалы һәм габаритсыз техниканы куркынычсыз эксплуатацияләү таләпләре турында аңлатылды.
Илдар Шәйхатдаров – ТР Дәүләт техник күзәтчелек идарәсенең Чүпрәле муниципаль районы бүлегенең баш дәүләт инженер-инспекторы.