«Татавтодор» АҖ Буа филиалындагы «Дрожжановский» юл ремонт-төзелеш идарәсендә транспорт чараларын куркынычсыз эксплуатацияләү буенча дәрес узды
2026 елның 18 мартында «Татавтодор» АҖ Буа филиалындагы «Дрожжановский» юл ремонт-төзелеш идарәсендә Чүпрәле муниципаль районы буенча дәүләт техник күзәтчелек бүлегенең баш дәүләт инженер-инспекторы И.И.Шәйхәтдаров, Россия Эчке эшләр министрлыгының Чүпрәле районы буенча ЮХИДИ бүлеге хезмәткәрләре катнашында үзйөрешле юл-төзелеш машиналарын куркынычсыз эксплуатацияләү буенча дәрес уздырылды.
Дәрес барышында юл хәрәкәте иминлеге, гомуми файдаланудагы юлларда эшләгәндә юл-төзелеш машиналарын куркынычсыз эксплуатацияләү мәсьәләләре каралды. Кызгылт-сары төстәге ялтыравыклы маячкларның, тышкы яктылык приборлары һәм яктылык кайтаргычларның төзеклегенә һәм тәүлекнең караңгы вакытында юл-төзелеш техникасын эксплуатацияләүгә аерым игътибар юнәлтелде.
Шулай ук үзйөрешле юл-төзелеш машиналарын алда торган техник тикшерүгә әзерлек мәсьәләләре һәм техник карау вакытында куела торган төп таләпләр каралды.
Тракторчы-машинист таныклыкларын алмаштыру, тиешле категориягә өйрәтү һәм квалификация булуы турында чикләү яки рөхсәт язуын тракторчы-машинист таныклыгына кертү нигезе буенча сораулар бирелде.
Илдар Шәйхатдаров – ТР Дәүләт техник күзәтчелек идарәсенең Чүпрәле муниципаль районы бүлегенең баш дәүләт инженер-инспекторы.