Буа муниципаль районында үзйөрешле техника белән идарә итү хокукына квалификация имтиханы узды
Агымдагы елның 12 мартында «Буа ветеринария техникумы» ДАҺБУ базасында В,С,D,E,F категорияләренә квалификация имтиханы узды. Имтихан тапшыруда 30 дәгъвачының 23е катнашты. 15 кеше имтиханның барлык этапларын да уңышлы үтте.
Нәтиҗәләрнең дөреслеген һәм имтиханны үткәргәндә тискәре карашта булмау максатыннан, анда Татарстан Республикасы Дәүләт техник күзәтчелек идарәсенең Чүпрәле муниципаль районы буенча баш дәүләт инженер-инспекторы И.И.Шәйхатдаров катнашты. Имтиханның теоретик өлеше махсус компьютерлар белән җиһазландырылган кабинетта узды. Теорияне тапшыру процессы «Гостехнадзор Экзамен» АПК кулланып башкарылды.
Аннары махсус җиһазландырылган трактородромда конкурсантлар В,С,D,Е категорияләрендәге үзйөрешле техника белән идарә итү күнекмәләрен күрсәттеләр. Уңайсыз һава шартларын исәпкә алып, «F» категориясенә имтиханны практик тапшыру соңрак, теоретик имтиханнарны тапшырганнан соң өч ай эчендә оештырылачак. Имтихан тәмамлангач, гадәттәге кечкенә киңәшмә барышында тракторчы-машинист таныклыгын алуга бәйле мәсьәләләр каралды. Шулай ук гаризалар биргәндә Дәүләт хезмәтләре порталыннан актив файдаланырга киңәш ителде. Бу юлы имтиханны тапшыра алмаган яисә ниндидер сәбәпләр аркасында имтиханда катнаша алмаган катнашучылар өчен «Буа ветеринария техникумы» ДАҺБУ кабат имтихан үткәрүне кимендә 7 көннән соң оештырачак.
Евгений Разбитнов – ТР Дәүләт техник күзәтчелек идарәсенең Буа шәһәре һәм Буа муниципаль районы бүлегенең баш дәүләт инженер-инспекторы.