Татарстан Республикасы Дәүләт техник күзәтчелек идарәсенең Питрәч муниципаль районы бүлегендә гражданнарны күчмә кабул итү булды
Бүген, 2026 елның 12 мартында, Татарстан Республикасы Дәүләт техник күзәтчелек идарәсе тарафыннан расланган күчмә кабул итүләр графигы нигезендә, Питрәч муниципаль районында Татарстан Республикасы Үзйөрешле машиналар һәм башка төр техниканың техник торышына күзәтчелек идарәсе башлыгы урынбасары Р.Р.Кадыйров гражданнарны шәхсән кабул итте. Барлыгы 5 кеше кабул ителде. Кабул итү барышында тракторчы-машинист таныклыгын алмаштыру, шулай ук үзйөрешле машиналарны теркәү тәртибе мәсьәләләре каралды. Куелган барлык сорауларга тулы җаваплар бирелде.
Әңгәмә барышында мөрәҗәгать иткән барлык гражданнарга өстәмә рәвештә үзйөрешле машиналарны имин эксплуатацияләү кагыйдәләре, ел саен техник тикшерү уздыруның мәҗбүрилеге һәм Дәүләт хезмәтләре порталы аша гариза бирү мөмкинлеге турында мәгълүмат җиткерелде. Шулай ук «Вперед» газетасы редакторы белән әңгәмә барышында Татарстан Республикасы Дәүләт техник күзәтчелек идарәсе тарафыннан күрсәтелә торган барлык хезмәтләр дә җентекләп аңлатылды.
Валерий Максимов – ТР Дәүләт техник күзәтчелек идарәсенең Питрәч муниципаль районы бүлегенең баш дәүләт инженер-инспекторы.