Түбән Кама сусаклагычында кар машиналарын тикшерү буенча профилактик чара уздырылды
Ял көннәрендә балык тотарга яратучылар янәшә урнашкан төбәкләрдән Татар Ямалысы авылы янәшәсендәге Түбән Кама сусаклагычы акваториясенә җыела. Күпләр шул ук вакытта төрле мототранспорт чараларында килә. Шул ук вакытта кардан йөрүче моточаралар белән эш итүнең элементар кагыйдәләрен аларның барысы да үтәми.
Агымдагы елның 21 февралендә Татарстан Республикасы Дәүләт техник күзәтчелек идарәсенең Актаныш муниципаль районы бүлеге тарафыннан, районның саклана торган табигый территорияләрне дәүләт күзәтчелеге бүлегенең баш белгече И.И.Нургалиев белән берлектә, Татар Ямалысы авылы янындагы Түбән Кама сусаклагычы акваториясендә техниканы куллануны тикшереп тору буенча уртак чара үткәрелде.
Эш барышында 7 берәмлек мотор чарасы тикшерелде, шуларның 4 се төрле хокук бозулар белән файдаланыла иде, алар буенча административ чаралар күрелде. Транспортны теркәү кагыйдәләренең шартлары, шулай ук эксплуатацияләгәндә кирәкле документация аңлатылды.
Илдус Хәкимов – ТР Дәүләт техник күзәтчелек идарәсенең Актаныш муниципаль районы бүлегенең баш дәүләт инженер-инспекторы.