«Шешмаойл» АҖ еллык техник карау уздырылды
2026 елның 13 февралендә, расланган график нигезендә «Шешмаойл» АҖ кар машиналарына, кар-басу машиналарына һәм квадроциклларга еллык техник карау үткәрелде. Бу техника нефть скважиналарын әйләнеп чыкканда һәм аларга хезмәт күрсәткәндә нефть чыгару мастерлары һәм операторлары өчен юлсыз кышкы кырыс шартларда алыштыргысыз ярдәмче булып тора. Карау өчен барлыгы 20 берәмлек техника тәкъдим ителде.
Техник тикшерү башланыр алдыннан юл-транспорт һәлакәтләре һәм югарыда күрсәтелгән техника төрләре катнашында фаҗигагә китергән очраклар турында җентекле мәгълүмат җиткерелде.
Аннары машиналарның техник торышы, номер агрегатларының туры килүе, тышкы яктылык приборларының төзеклеге, машина йөртүчеләрнең тиешле «А1» категорияле үзйөрешле машиналар белән идарә итү хокукына таныклыклары булу-булмавы тикшерелде.
Җитәкче С.Н.Миронов җитәкчелегендәге инженер-техник хезмәт машинаны тиешенчә әзерләгәннәр һәм техник карау өчен тәкъдим иттеләр, аларга еллык техник карау узу турында таныклык биреләчәк.
Рәис Хисмәтуллин – ТР Дәүләт техник күзәтчелек идарәсенең Яңа Чишмә муниципаль районы буенча баш дәүләт инженер-инспекторы.