Зеленодольскида «Вездеход» ҖЧҖ имтиханнар булды

2025 елның 27 гыйнвары, дүшәмбе

Агымдагы елның 27 гыйнварында, эш графигы нигезендә, Зеленодольск шәһәренең «Вездеход» ҖЧҖ базасында уку курсларын тәмамлаганнан соң «В, С, Д, Е» категорияле тракторчы-машинист таныклыгы алу өчен имтиханнар узды. Гариза биргән 20 студент арасыннан 15е имтиханнарга килде һәм кертелде. Теоретик һәм практик имтиханнарны беренче мәртәбәдән үк 12 студент тапшырды, алар, укуларына карап, тиешле категориядәге тракторчы-машинист таныклыгы алачаклар.

Кабат имтиханнар нигезләмә нигезендә, беренчесен тапшырганнан соң җиде көн узгач билгеләнде.

Мансур Мөхәммәтҗанов – ТР Дәүләт техник күзәтчелек идарәсенең Зеленодольск шәһәре һәм Зеленодольск муниципаль районы бүлегенең баш дәүләт инженер-инспекторы.