Теләкләр чыршысы
Татарстан Республикасы Дәүләт техник күзәтчелек идарәсе башлыгы Альберт Борһанов авыр тормыш хәлендә калган балаларга ярдәм итүгә юнәлдерелеп, ел саен уздырыла торган «Теләкләр чыршысы» Бөтенроссия хәйрия акциясендә катнашты.
Акциядә сәламәтлек мөмкинлекләре чикләнгән балаларның, ятим балаларның, керемнәре түбән гаиләләрдәге балаларның, махсус хәрби операциядә катнашучы хәрби хезмәткәрләр һәм мобилизацияләнгән затларның балалары, шулай ук Россиянең яңа территорияләрендә яшәүче яки Белгород, Брянск һәм Курск өлкәләрендә яшәү урыныннан китәргә мәҗбүр булган балаларның гаризалары катнаша. Акциядә катнашучыларның яше – 3 яшьтән 17 яшькә кадәр.
Быел Альберт Борһанов Казаннан 3 яшьлек Зәринәнең яңа ел хыялын тормышка ашырды.
Шулай ук «Теләкләр елкасы» акциясендә Татарстан Республикасы Дәүләт техник күзәтчелек идарәсе башлыгы урынбасары Рәдис Кадыйров катнашты һәм Казаннан 9 яшьлек Руслана Кузнецованың яңа ел хыялын тормышка ашырды, бала ябыштыргычлардагы Тока Бока өчен кәгазь йорт алды.
«Теләкләр чыршысы» Бөтенроссия акциясе игелек кылырга һәм балаларга яңа ел могҗизаларына ышанычларын сакларга ярдәм итәргә әзер меңләгән кешене берләштерә.
Барлык балалар да сәламәт һәм бәхетле булсыннар!
Гөлназ Гайнетдинова – Татарстан Республикасы Дәүләт техник күзәтчелек идарәсенең оештыру-хокукый, кадрлар эше бүлеге башлыгы.