Лениногорск районында авыл хуҗалыгы техникасын кышкы саклауга кую һәм аларны ремонтлауны оештыру буенча конкурс
Төп авыл хуҗалыгы эшләре тәмамланганнан соң, җәлеп ителгән техника ремонтланырга һәм киләсе сезонга кадәр озак саклауга куелырга тиеш. Авыл хуҗалыгы техникасын саклауга вакытында һәм дөрес итеп кую аны эксплуатацияләүнең мөһим шартларыннан берсе булып тора, техниканың хезмәт итү вакытын арттырырга, сезонлы кыр эшләре вакытында ватылмаска мөмкинлек бирә. Татарстан Республикасы Авыл хуҗалыгы һәм азык-төлек министрлыгы боерыгы белән АСК оешмалары арасында техниканы кышкы саклауга кую һәм авыл хуҗалыгы машиналарын ремонтлау өчен машина-трактор паркларын әзерләү буенча конкурс игълан ителде.
Агымдагы елның 12 декабрендә Татарстан Республикасы Авыл хуҗалыгы һәм азык-төлек министрлыгының АСК инженер-техник тәэмин итү бүлеге башлыгы Илнар Габбасов, Татарстан Республикасы Авыл хуҗалыгы һәм азык-төлек министрлыгының Лениногорск районындагы авыл хуҗалыгы идарәсе башлыгы Илнур Шәмәрдәнов, Авыл хуҗалыгы һәм азык-төлек министрлыгының җитештерү-маркетинг бүлеге башлыгы Ренат Мостафин, Татарстан Республикасы Дәүләт техник күзәтчелек идарәсенең район бүлеге башлыгы Илнур Галимов составындагы комиссия Лениногорск районы хуҗалыкларының машина-трактор паркларын карап чыктылар. Техниканы кышкы саклауга кую буенча урыннарда башкарылган эшләр һәм ремонт остаханәләренең авыл хуҗалыгы машиналарын, агрегатларын һәм тракторларын ремонтлауга әзерлеге белән таныштылар.
Конкурста катнашкан хуҗалыклар техниканы озак вакытлы саклауга кую буенча үз эшләрен лаеклы башкарганнар. Ачыкланган җитешсезлекләр буенча комиссия әгъзалары техника милекчеләренә, җитешсезлекләрне кыска вакыт эчендә бетерү өчен, күрсәтмәләр бирде. Мондый хокук бозуларга түбәндәгеләр керә: ашлык җыю комбайннарында каешларны бушату буенча башкарылмаган эшләр, агрегатларда һәм АХМ гидроцилиндрларның саклагыч составлар белән капланмаган штоклары, яңгырдан һәм кардан ябылмаган ашлык йөкләгеч бункерлары һ.б.
Конкурс йомгаклары буенча «Зеленогорский» РПК «Союз-Агро» ҖЧҖ, «Август-Лениногорск» ҖЧҖ һәм «Маркс» ҖЧҖ предприятиеләре иң яхшылар дип танылды.
Илнур Галимов – ТР Дәүләт техник күзәтчелек идарәсенең Лениногорск шәһәре һәм Лениногорск муниципаль районы бүлегенең баш дәүләт инженер-инспекторы.