Мөслим районында профилактик рейд узды

2020 елның 12 октябре, дүшәмбе

2020 елның 9 октябрендә Мөслим районында файдаланган вакытта үзйөрешле техниканың һәм тагылмаларның техник торышын, эксплуатациягә рөхсәт булу-булмавын, теркәү документларын тикшерү буенча профилактик рейд оештырылды.

Рейд барышында техник карау узу турында таныклык булмаган очраклар ачыкланды. Кагыйдәләрне һәм нормаларны бозган хуҗалар административ җаваплылыкка тартылды.

Рамил Зарафетдинов – ТР Дәүләт техник күзәтчелек идарәсенең Мөслим муниципаль районы бүлеге баш дәүләт инженер-инспекторы.