Теләче районында профилактик чаралар уза

2020 елның 24 сентябре, пәнҗешәмбе

Теләче районы территориясендә хокук бозуларны профилактикалау буенча еш кына чаралар уза. Шул ук вакытта үзйөрешле машиналарны һәм аларга тагылмаларны эксплуатацияләүче затларда тракторчы-машинист таныклыклары, теркәлү документлары, техник карау уздыру турында таныклыклар һәм башкалар тикшерелә.  

Агымдагы елның сентябрь аенда мондый чаралар 4 тапкыр үткәрелде. Чаралар барышында 4 административ хокук бозу очрагы ачыкланды. Әлеге җитешсезлекләрне бетерү максатларында алар буенча Административ хокук бозулар турында РФ кодексының 9.3 ст. буенча административ хокук бозу турында беркетмәләр төзелде.

Хәмит Нәзиров – ТР Дәүләт техник күзәтчелек идарәсенең Теләче муниципаль районы буенча баш дәүләт инженер-инспекторы.