Буа районында комбайннар парады узды
15 июльдә Буа муниципаль районында гадәттәгечә комбайннар парады узды. Район авыл хуҗалыгы формированиеләренең ашлык җыю комбайннарын кабул итү Татарстан Республикасы Авыл хуҗалыгы һәм азык-төлек министрлыгы тарафыннан расланган график нигезендә башкарылды. Район җитәкчесе Ранис Кәмәртдинов, Татар фәнни-тикшеренү институты җитәкчесе Марсель Таһиров, Татарстан Республикасы Авыл хуҗалыгы һәм азык-төлек министрлыгының хезмәтне саклау секторы мөдире Алексей Архиреев, районның авыл хуҗалыгы идарәсе җитәкчесе Ранис Габитов, Татарстан Республикасы Дәүләт техник күзәтчелек идарәсенең район бүлеге башлыгы Евгений Разбитнов һәм башка белгечләр катнашындагы комиссия ашлык җыю комбайннарын кабул итте, булачак уңышны кабул итүгә әзер булган авыл хуҗалыгы предприятиеләренең бөртекле ындыр табакларын карады. Бүгенге көндә районда урып-җыю эшләренә 150дән артык берәмлектән артык үзйөрешле техника җәлеп итү планлаштырыла. 2020 елда бу максатта 6 яңа ашлык җыю комбайны сатып алынган, шулай ук тагын энергия белән куәтләндерелгән 8 берәмлек Акрос һәм Торум комбайннары сатып алыныр, дип көтелә. Хуҗалыкларның киләчәк уңышны җыеп алуга әзерлеге кабул ителгән алты авыл хуҗалыгы предприятиесеннән «Авангард» ҖЧҖ («Коммуна» бүлемтеге), «Заря агрофирмасы» ҖЧҖ һәм «Кыят» ААҖ алдынгы урыннарны алды. Чара барышында район җитәкчесе Ранис Кәмәртдинов механизаторларга намуслы хезмәтләре өчен рәхмәт белдерде һәм иң мөһиме – Буа районы кырларыннан мул уңыш җыеп алу бурычын билгеләде, шул ук вакытта куркынычсызлык техникасы һәм хезмәтне саклау таләпләрен катгый һәм тайпылышсыз үтәүләрен искәртте.
Евгений Разбитнов – бүлек башлыгы, ТР Дәүләт техник күзәтчелек идарәсенең Буа шәһәре һәм Буа муниципаль районы буенча баш дәүләт инженер-инспекторы.
