Авыл хуҗалыгы формированиеләре арасында терлек азыгы җыю техникасының әзерлеге буенча конкурс узды
2020 елның 21 нче маенда Чирмешән районында авыл хуҗалыгы формированиеләре арасында азык җыю техникасының һәм азыксаклагычларның азык әзерләүгә әзерлеге буенча конкурс узды. Татарстан Республикасы Авыл хуҗалыгы һәм азык-төлек министрлыгы вәкилләре, районның авыл хуҗалыгы һәм азык-төлек идарәсе башлыгы, Дәүләт техник күзәтчелек идарәсенең Чирмешән районы бүлеге башлыгы, район авыл хуҗалыгы идарәсенең җитештерү-маркетинг бүлеге консультанты составындагы конкурс комиссиясе районның 7 хуҗалыгын тикшерде. Азык әзерләү эшләренә җәлеп ителәчәк барлык техниканың әзерлеге, шулай ук предприятиеләрдә хезмәтне саклау торышы тикшерелде. Конкурс нәтиҗәләре буенча 1 урын – «АККИРЕЕВО» ҖЧҖ, 2 урын – «ЧЕРЕМШАНАГРО ҖЧҖ, 3 урын «Ильхан» ҖЧҖ бирелде.
Илнур Сәлахов – ТР Дәүләт техник күзәтчелек идарәсенең Чирмешән муниципаль районы буенча баш дәүләт инженер-инспекторы.