Әлки муниципаль районының Чаллы авылында «Восточное» АСК техника тикшерелде

2020 елның 7 мае, пәнҗешәмбе

2020 елның 6 нчы маенда, расланган техник карау уздыру графигына туры китереп, «Восточное» агросәнәгать комплексына караган техникага тикшерү уздырылды. Техник карауга 27 берәмлек техника китерелде, аларның барысы да тикшерүне уңышлы узды. Техник карап чыгу вакытында техниканың техник торышына, тиешле категорияле тракторчы-машинист таныклыклары, аптечкалар һәм ут сүндергечләр, теркәү документлары, ОСАГО полислары булу-булмавына аерым игътибар бирелде, механизаторлар махсус кием белән тәэмин ителгән. Техника яхшы дәрәҗәдә әзерләнгән иде. Уздырылган тикшерү нәтиҗәләре буенча техник карау узу турында таныклыклар биреләчәк.

А.Н.Петухов – Әлки муниципаль районы дәүләт техник күзәтчелек бүлеге башлыгы.